Jei na lao do hape si Merlep mangaranto tu negara kanguru, manang Australia, ido asa gabe leleng dang tarida.

Alai na taon baru i mulak do imana tu Banua Holing, jala ditomutomu natuatuana do tu Bandara Sisingamangaraja.

Tangis do nai merlep dohot amani merlep mangida anak nai. Maklum ma hita disi, ai najolo dipaborhat nasida najolo si Merlep sian Banua holing naek Palansa do. Ndang tarida be sonari bis Palansa i.

Jei ala penasaran do ama ni Merlep, disukkun ibana ma si Merlep. 

"Ai hubege poang nunga tung maju australia on. Bah inna rohakku ceritahon majo akka kemajuan ni luat na nidalananmi, asa diboto hami na di huta on" inna Amani Merlep. 

"Memang maju ma nian bapa Australia on. Korupsi pe jarang do disi. Akka jolma na jujur do disi" inna si Merlep mangalusi.

"Ai ndang i na husukkun. Kemajuan ni Australia do. Ai dison pe godang do margoar si Jujur, ndang holan i, margoar si Jojor pe gok" inna Amani Merlep mulai kesal.

"Jei aha do ceritahononku bapa?" inna si Merlep.

"Bah akka kemajuan ni Australia i do seritahononmu" inna bapakna.

"Oh ido, memang molo kemajuan do bapa, nunga tung apala maju be. Bereng ma dah bapa, hapas dipamasuk, tokkin nai nunga haruar baju. Bosi bosi dipamasuk, tokkin nai nunga haruar mobil." inna si Merlep, alai pittor dipotong bapakna cerita nai.

"Ai dangi maksuthu anaha, ai molo bagian masuk memasukkan do dohononmu, unjago dope au hape sian Australia muna i. Asa diboto ho, hupamasuk on, kaluar ho." inna bapakna.

Mekkel suping si Merlep huhut digarut uluna.